HEGAZKINAK
Ikasle Koadernoa · LH 4., 5. eta 6. maila
Pasahitza ez baduzu, jarri harremanetan zure irakaslearekin.
PAPEREZKO HEGAZKINAK — Ezina ekinez egina —
Ikasle koaderno digitala · Lehen Hezkuntza 4., 5. eta 6. maila
PAPEREZKO HEGAZKINAK — Ikasle Koadernoa
FITXA TEKNIKOA
- Zuzendaria:
- Robert Connolly
- Gidoia:
- Robert Connolly, Steve Worland
- Ekoizlea:
- Arenamedia
- Musika:
- Nigel Westlake
- Urtea:
- 2014
- Iraupena:
- 96 min
- Herrialdea:
- Australia
SINOPSIA
Benetako gertaeretan oinarrituta, Dylanen istorio hunkigarria kontatzen du filmak. Hamaika urteko mutila Australian bizi da, bere aitarekin. Alargundu zenetik, aitak ezin du garai bateko erlazioa berreskuratu semearekin, ez baitu emaztearen galera gainditzerik izan. Dylan, berriz, bere pasioan murgiltzen da: hegan egiten duten objektuak. Orduak eta orduak pasatzen ditu paperezko hegazkinak hegan jartzen, egunen batean bere ametsa egi bihurtuko delakoan: Paperezko Hegazkinen Munduko Txapelketan parte hartzea. Dylanen adoreak Japoniako Munduko Txapelketan parte hartzeko txartela eskuratzera darama, aitari amaren galera gainditzen laguntzen dion bitartean.
Irakurri sinopsia eta bete taularen lehen zutabea. Filma ikusi ondoren, bigarren zutabea beteko duzu: asmatu duzu?
Egin paperezko hegazkin bat 2 minututan, DIN-A4 orri batekin. Gero, korridorean edo patioan, jaurti ezazu hiru aldiz eta neurtu zenbat metro egin dituen eta zenbat segundo egon den airean.
💡 Gorde datu hauek! H atalean (Zientzialari txikiak) hegazkin berri batekin alderatuko dituzu.
Baina heriotza bizitzaren parte da, eta denok egingo diogu aurre noizbait gertuko norbait galtzeari. Horregatik, heriotzaz eta sentitzen dugunaz hitz egiteak gertatutakoa ulertzen, gure emozioak adierazten eta elkarri laguntzen lagun diezaguke.
Norbait hiltzen denean, bakoitzak bere emozioak eta jarrerak izaten ditu. Filmean, Dylanen ama hil egin da, eta aitak oraindik ez du galera gainditu. Nolako jarrera hartzen du Dylanek? Eta aitak? Zer emozio dauzkate? Nola eboluzionatzen dute pertsonaiek?
DYLAN
AITAGarrantzitsua da horrelakoen inguruan hitz egitea eta besteen tokian jartzen ikastea. Horretarako, ariketa hau betetzea proposatzen dizugu, heriotza dela-eta nolako gorabeherak izaten diren ezagutzeko. Idatzi zuk, edo sakatu hitz-proposamen bat.
Pentsatu galera bat bizi izan duzun une batean: pertsona bat, animalia bat edo zuretzat garrantzitsua zen zerbait galdu zenuenean. Zer sentitu zenuen? Zerk lagundu zizun? Idatzi edo hausnartu gaiaren inguruan.
Herrialde bakoitzak bere ohiturak ditu. Gurean, adibidez, hilobiak, eskelak eta doluzko arropa (kolore beltza) ditugu.
Bikoteka jarri eta bilatu nola adierazten duten galera herrialde hauetan, eta idatzi bakoitzaren ohitura bat.
Aurkariak dira, ezin gara haien lagunak izan.
Jasonen aitak, berriz, beste ideia bat du:
garrantzitsuena zerbait polita egitea da.
Taldean jarri eta hurrengo galderen laguntzaz gaiaren inguruan hausnartu:
Deskribatu zuretzat arrakastatsua den pertsona bat (ezaguna edo zure ingurukoa). Gero, talde txikitan, kontatu elkarri eta bilatu antzekotasunak.
Dylanen ametsa paperezko hegazkinen munduko txapelketan parte hartzea da. Zuk ba al duzu ametsik edo helbururik? Idatzi zer lortu nahi duzun eta helburuak betetzeko nolako trebetasun pertsonalak behar dituzun:
| 🎯 Lortu nahi dudana | 💪 Trebetasunak |
|---|
Zure ustez, zerk egiten du paperezko hegazkin bat urrunago joatea? Markatu garrantzitsuenak iruditzen zaizkizun hiru: 0 / 3
Paperezko hegazkinei lau indarrek eragiten diete. Sakatu gezi bakoitza eta ezagutu zer egiten duen. 0 / 4
👆 Sakatu gezi bat
Hegazkinak ondo hegan egiteko, lau indar horien arteko oreka egokia behar du.
Aurreko hipotesia kontuan hartuta, egin hegazkin berria. Aldatu aldagai BAKAR bat (adibidez, hegoen forma). Jaurti ezazu hiru aldiz eta bete taula.
Dylanek sormena erabiltzen du hegazkinak asmatzeko, baina baita zailtasunei aurre egiteko ere.
Zenbat erabilera bururatzen zaizkizu paper-orri batentzat? Pentsatu ahalik eta gehien 3 minututan. Gero, alderatu zure bikotekidearekin: nork du ideiarik bitxiena? (Sakatu ☆ zure ideiarik bitxiena markatzeko.)
Imajinatu Dylanen hegazkinetako batek hitz egin dezakeela. Idatzi bere istorioa lehen pertsonan: nola egin zuten, nora iritsi zen hegan eta zer ikusi zuen goitik.
Posible al da DIN-A4 orri bakar batean zulo bat egin eta zure gorputz osoa handik pasatzea? Ezinezkoa dirudi, ezta? Baina filmaren leloak dioen bezala: ezina ekinez egina!
Materiala: DIN-A4 orri bat eta guraizeak.
Arauak: ezin da beste orririk erabili, ezin da itsasgarririk erabili, eta amaieran orriak zati bakarra izan behar du.
- Tolestu orria erditik, luzetara.
- Egin ebaki paraleloak txandaka: tolesturatik ertzerantz eta ertzetik tolesturarantz, beti ertzera iritsi gabe.
- Azkenik, moztu tolestura bera, lehenengo eta azken zatia izan ezik. Ireki kontuz... eta sartu!
Nola gustatu zaizu Paperezko Hegazkinak?
Film hau ingelesez egin zuten Australian, baina zuk euskaraz ikusi duzu. Zergatik da garrantzitsua filmak euskaraz ikustea? Idatzi hiru arrazoi.
Bilatu euskaraz ikus daitekeen film bat eta bete fitxa. Ondoren, inprimatu eta moztu fitxak, eta sortu guztion artean gelako filmen artxiboa. Artxiboak zer film ikusi aukeratzen lagunduko dizue.
FILMAREN FITXA
Amaitu al duzu? Bidali zure koadernoa irakasleari!
Inprimatu edo PDF gisa gorde, edo kopiatu testua eta bidali.