PAPEREZKO HEGAZKINAK - LH456

Sinopsia

Benetako gertaeretan oinarrituta, Dylanen istorio hunkigarria kontatzen du filmak. Hamaika urteko mutila Australian bizi da, bere aitarekin (Sam Worthington). Alargundu zenetik, aitak ezin du garai bateko erlazioa berreskuratu semearekin, ez baitu emaztearen galera gainditzerik izan. Dylan, berriz, bere pasioan murgiltzen da: hegan egiten duten objektuak. Orduak eta orduak pasatzen ditu paperezko hegazkinak hegan jartzen, egunen batean bere ametsa egi bihurtuko delakoan: Paperezko Hegazkinen Munduko Txapelketan parte hartzea. Dylanen adoreak Japoniako Munduko Txapelketan parte hartzeko txartela eskuratzera darama , aitari amaren galera gainditzen laguntzen dion bitartean.

Zergatik ikusi film hau?

Dolua eta minaren aurrean adorez aurrera egiteko modu bat erakusten du filmak, umeen begietatik. Dylanen pasioak eta ametsak indarra ematen dio bai berari, bai aitari ere, bien arteko harremana berreskuratzen laguntzeko. Ametsen atzetik joateak eta zailtasunei aurre egiteak nola sendatu dezaketen barrua ederki kontatzen du, hunkigarritasun eta itxaropenez.

FILMAN LANDU DAITEZKEEN GAIAK

• adiskidetasuna
• familia
• gurasoen heriotza
• dolua
• nerabezaroa
• sormena
• elkartasuna
• lehiakortasuna