PRODIJIOAK - DBH

Pleynet bikien benetako istorioan oinarritua.

Gaixotasun arraro batek bi neska biki pianisten etorkizuna jokoan jartzen duenean,  jotzen jarraitzeko borrokatuko dira.

Vallois bikiak pianista paregabeak dira eta 18 urterekin Karlsruheko kontserbatorioan onartuko dituzte, Klaus Lenhardt zuzendari entzutetsuaren gidaritzapean. Aitaren ametsa daramate bizkar gainean, hark dena utzi baitzuen bere alabak onenak izateko. Baina pianoaren nazioarteko elitean sartu ostean, heuren etorkizuna jokoan jarriko duen zerbait gertatuko da: gaixotasun arraro batek bietako baten eskuei eragingo die, eta bere garapena bat-batean eten. Hasiera batean beste ahizpak dizdira egingo badu ere, laster nabarituko du gaixotasuna berak ere. Pianorik gabeko bizimodua onartu beharrean, euren artean praktikatzen jarraitzeko borrokatuko dira, eta munduan bakarra den teknika bat garatuko dute elkarrekin. Benetako prodijioak!

Gaixotasun edo desgaitasun batek ez duela zertan amets bat bertan behera utzi behar erakusten du filmak, eta batez ere, elkarrekin, gauza ustekabeak sor daitezkeela. Ahizpen arteko elkartasuna eta maitasuna dira istorioaren muina, eta egoera zailenetan ere, sormenak eta elkarlaguntzak bide berriak ireki ditzaketela erakusten du. Emozioz betetako filma da, benetako gertaeretan oinarritua izateak indar berezia ematen diona.